"Тоттенҳем" бош мураббийи Андре Виллаш-Боаш Европа лигаси гуруҳ босқичи 5-турида "Лацио" билан ўйинда қайд этилган дуранг (0:0) натижадан қониқиш ҳосил қилганини билдирди.
Шунингдек, мутахассис ҳакамлар Гарет Бейлнинг тоза голини ҳисобга олмаганларини қўшимча қилди.
- Ўйин жуда қийин ўтди, - дея Виллаш-Боашнинг сўзларини келтиради Sky Sports. - Рақиб бутун ўйин давомида бизга босим ўтказишга ҳаракат қилди. Биз ўйинни яхши бошладик, аммо кейин "Лацио" ташаббусга эга бўлди. Шунинг учун дурангни ушбу қийин ўйин учун яхши натижа ҳисобласа бўлади. Бэйлнинг голига келсак, уни бекор қилишлари керак эмасди. Аммо энди ҳеч нарсани ўзгартириб бўлмайди.
