"Бавария" ҳужумчиси Харри Кейн клубдаги илк ҳафталари ҳақида гапирди.
Англиялик футболчи мюнхенликлар сафидаги дебют голини Бундеслиганинг 1-тури доирасидаги “Вердер”га қарши ўйинда нишонлади ва баҳс “Бавария”нинг 4:0 ҳисобидаги ғалабаси билан якунланди.
"Бизда ажойиб ўйинчилар, жуда сифатли таркиб бор, - деди Кейн. - Биз бир-биримизга мослашамиз ва ҳар ҳафта бир-биримизнинг ўйин афзаллиги ҳақида кўпроқ ва кўпроқ билиб оламиз. Биринчи ўйинда тўртта гол урилган ва бирорта ҳам гол ўтказиб юборилмаган - лигадаги биринчи ўйин учун ажойиб натижа. Умид қиламанки, биз ҳам худди шундай руҳда давом этамиз", - деди инглиз ҳужумчиси Bayern & Germany порталига.
