Қаршининг "Насаф" клуби ярим ҳимоячиси Марко Станоевич "Пахтакор" устидан қозонилган ғалабадан сўнг (2:1) қуйидаги фикрларни билдириб ўтди.
"Бизни қандай баҳс кутиб турганини яхши билардик. Кетма-кет учинчи йил Суперкубокда "Пахтакор"га қарши майдонга тушмоқдамиз. Аввалги икки сафар мағлуб бўлгандик, бугунги ғалаба ўзгача қувонч бағишлади. Мухлисларимизни хурсанд қилиш мақсадида доим ғалаба учун ўйнаймиз", - деди қаршиликлар легионери.