"Арсенал" ярим ҳимоячиси Томас Парти сотиб олиш имконияти билан Туркиянинг "Галатасарой" клубига ижарага ўтмоқчи. Бу ҳақда журналист Якуп Чинор ижтимоий тармоқларда хабар бермоқда.
Футболчининг хоҳишига қарамай, "Арсенал" бош мураббийи Микель Артета Томасни таркибда сақлаб қолишга қарор қилди ва унинг Туркияга ўтишига тўсқинлик қилди. Эслатиб ўтамиз, ушбу трансфер ойнасида Парти хизматларига Туриннинг "Ювентус" клуби ҳам қизиққан эди.
Томас 2020 йилнинг ёзидан буён Лондоннинг "Арсенал" жамоасида тўп тепади, у "Атлетико Мадрид"дан 40 миллион евро эвазига ўтган эди. 30 ёшли ярим ҳимоячи "канонирлар" билан фақат Англия Суперкубогини қўлга киритди.
