Мадриднинг “Атлетико” клуби ҳужумчиси Жоау Феликс ҳамон трансфер ойнаси тугагунига қадар “Барселона”га ўтишга умид қилмоқда. Бироқ ўтиш амалга ошмаса, португалиялик Саудия Арабистонининг "Ал-Ҳилол"и сафига бориб қўшилишга тайёр. Бу ҳақда Испаниянинг Diario AS нашри хабар бермоқда.
Ҳозирда муаммо шундаки, “Барселона” Феликснинг сотиб олиш имконияти билан ижарасини якунлашга улгурмаслиги мумкин. Жамоага португалияликнинг таклифи молиявий фейр-плей қоидаларини бузадими ёки йўқлигини текшириш учун вақт керак. Саудия Арабистонида трансфер ойнаси кечроқ ёпилади, шунинг учун Жоаунинг "Ал-Ҳилол"га ўтиши эҳтимоли бор.
Эслатиб ўтамиз, Феликс шу ёзда фақат "Барселона"га ўтишни хоҳлаётганини айтган эди. Жоау ўтган мавсумнинг иккинчи ярмини "Челси"да ижара асосида ўтказди.
