"Ноттингем Форест"нинг чап қанот ҳимоячиси, 25 ёшли Омар Ричардс жорий мавсумни ижара асосида Грециянинг "Олимпиакос" клубида ўтказади. Янги келган футболчини аллақачон Греция топ-клуби матбуот хизмати расман таништирди.
Ричардс "Фулхэм" ва "Рединг" тарбияланувчиси бўлиб, 2021 йилда "Бавария"га қўшилган. Бир йил ўтгач, у Премьер-лиганинг "Ноттингем Форест" клуби ўйинчисига айланди ва "ўрмончилар" билан уч йиллик шартнома имзолади.
Transfermarkt футболчини 5 миллион еврога баҳоламоқда.
“Олимпиакос” Гретция чемпионатининг 1-турида старт олган “Пансеррайкос”ни ишончли тарзда мағлуб этди – 2:0.
