Бухоро шаҳрида 19 ноябрдан ОФКнинг "В" лицензияси учун мураббийлик курслари бошланди. Унда 21 нафар иштирокчи таҳсил олмоқда. Курслар 9 декабргача давом этади ва унда ФИФА инструктори Усмон Тошев раҳбарлик қилади.

ОФКнинг "В" лицензияси учун курслар "С" лицензиясига эга мураббийлар учун ташкил қилинади. Курс давомида иштирокчилар ўйиннинг илғор методикаси, кўникмасини олишади. Натижада улар ёш ўйинчилар ёки ўйинчилар гуруҳи билан ишлаш тактикаси, ўйинга руҳий тайёрлашни ўрганишади.

Иштирокчилар 20 кун давомида 107 соатдан ортиқроқ назарий ва амалий машғулотларни ўташади. Курс якунида улар қисқача диссертация ҳимоя қилишади.

Бунгача Бухоро шаҳрида ОФКнинг "С" лицензияси учун курс ўтказилганди.