"Реал Мадрид" бошқарувчиси Карло Анчелотти нима учун Жуд Беллингем тезда жамоада ўзини намоён қилганини тушунтирди.
20 ёшли ярим ҳимоячи "қаймоқранглилар"нинг Ла Лиганинг янги мавсумидаги учта ўйинида ҳам майдонни голсиз тарк этмади. Жума куни инглиз футболчиси 81-дақиқада гол уриб, "Реал"га "Сельта" устидан ғалаба келтирди.
"Жуд Беллингемнинг фаолияти? У тўпдан ташқарида жуда яхши ҳаракат қилади, у жуда ақлли, ҳар доим керакли вақтда ўзини топади. Унинг қобилияти шунчаки ақл бовар қилмайди", - дейди Анчелотти.
