Журналист Фабрицио Романонинг хабар беришича, Леверкузеннинг "Байер" ва Эрон терма жамоасининг 28 ёшли ҳужумчиси, аввалроқ "Рома" билан шартнома имзолаган.

Манба берган хабарга кўра, келишув футболчини 12 миллион еврога сотиб олиш ҳуқуқини ўз ичига олади. У клубга ижара асосида ўтган. Журналист, шунингдек, римликлар бош мураббийи Жозе Моуриньонинг сўзларидан иқтибос келтиради: "Биз яна бир ҳужумчи билан шартнома имзолаймиз".

Ҳужумчи леверкузенликлар сафида 44 та учрашувда иштирок этиб, 5 та гол ва 5 та голли узатмага муаллифлик қилган. Айни пайтда футболчи мавсумолди машғулотларида олган жароҳатидан тикланишда давом этмоқда.