"Барселона" марказий ҳимоячиси Клеман Лангле Саудия Арабистонига ўтишга тайёр. Аввалроқ франциялик футболчи Европада қолмоқчи бўлган, бироқ журналист Ферран Мартинес ижтимоий тармоқларда футболчи аллақачон ўз фикрини ўзгартирганини маълум қилганди.
Лангле "Тоттенхэм" уни доимий равишда сотиб олишига умид қилган, аммо "шпорлар" "Барселона"га улар талаб қилган пулни тўламаган. Энди Клеман фаолиятини давом эттириш учун бошқа вариантларни кўриб чиқишга тайёр.
Олдинроқ Ланглега "Ан-Наср" қизиқиш билдирганди, аммо клуб охир-оқибат "Манчестер Сити" футболчиси Эймерик Ляпортни сотиб олди.