Жоау Канселунинг "Манчестер Сити"дан "Барселона"га ўтиши хавф остида эмас.
Ишончли маълумотларга кўра, томонлар ижара шартлари бўйича келишиб олишган, португалияликнинг ўзи ҳам трансферга рухсат берган, бироқ бир қатор ҳолатлар туфайли ўтиш кечикмоқда. Инсайдер Фабрицио Романонинг сўзларига кўра, трансфер ёзги трансфер ойнасининг сўнгги кунларида ёпилади, бунга на "Барселона" ва на "Манчестер Сити" шубҳа қилмаяпти. Каталония клуби келишувнинг FFP қоидаларига мувофиқлиги текширилишини кутмоқда, шундан сўнг 29 ёшли латерал билан шартнома имзоланиши расмийлаштирилади.
Жоау Канселу “Манчестер Сити” сафида жами 154 та ўйинда майдонга тушиб, 9 та гол ва 22 та голли узатмага муаллифлик қилган.