"Милан" бош мураббийи Стефано Пиоли ярим ҳимоячи Раде Круничнинг кетиши ҳақидаги миш-мишларга изоҳ берди.
29 ёшли футболчи учун музокараларни Туркиянинг “Фенербахче” клуби олиб борди, Франциянинг “Лион” клуби ҳам унга қизиқиш билдирган. Шундай бўлса-да, "россонерилар" устози сўзларига кўра, босниялик футболчи клубни тарк этмайди: "Ҳа, Раде Крунич шу ерда қолади", - дея хабар беради "Торино" устидан қозонилган ғалабадан кейин (4:1) Пиоли.
Раде Крунич "Милан"да бошланган мавсумнинг ҳар иккала ўйинида майдонга тушди. Transfermarkt 29 ёшли ярим ҳимоячининг трансфер нархини 10 миллион еврога баҳоламоқда.
