9 сентябрь куни бўлиб ўтиши кутилаётган АҚШ ва Ўзбекистон терма жамоалари ўртасидаги ўртоқлик учрашуви АҚШнинг Миссури штатидаги Сент-Луис шаҳрида ўтказилади.

"Statista" нашрининг 2023-йилги маълумотларига кўра, Сент-Луис қотиллик даражаси бўйича АҚШда биринчи, дунёда эса Мексика шаҳарларидан кейин 7-ўринда туради. Шаҳар аҳолиси 300 минг кишидан иборат бўлиб, ҳар 100 минг кишига деярли 88 та қотиллик тўғри келади. Шаҳар аҳолисининг 45 фоизи қора танлилардан ташкил топган.

Дунёда қотиллик даражаси бўйича ўнликка кирувчи шаҳарлар ва ҳар 100 минг кишига тўғри келадиган қотиллик сони:

1. Селая (Мексика) - 109;
2. Тихуана (Мексика) - 105;
3. Хуарес (Мексика) - 103;
4. Обрегон (Мексика) - 101;
5. Ирапуато (Мексика) - 95
6. Энсенада (Мексика) - 90;
7. Сент-Луис (АҚШ) - 88;
8. Уруапан (Мексика) - 72;
9. Феира де Сантана (Бразилия) - 67;
10. Кейптаун (Жанубий Африка) - 64.