"Манчестер Юнайтед"нинг етакчи ҳимоячиси Рафаэль Варан Англия чемпионатининг 3-турида "Ноттингем Форест"га қарши ўйинда (3:2) жароҳат олди. Бу ҳақда “қизил иблислар” матбуот хизмати хабар берди.
Жамоа бош мураббийи Эрик тен Хагнинг сўзларига кўра, футболчи ўзини ноқулай ҳис қилгани учун эҳтиёт чораси сифатида алмаштирилган. Яқин орада Рафаэль тиббий кўрикдан ўтади, шундан сўнг шикастланиш даражаси аниқланади.
30 ёшли ҳимоячи жорий мавсум Англия Премьер-лигасида 3 та ўйинда майдонга тушиб, битта гол урди.