"Manchester Yunayted"ning yetakchi himoyachisi Rafael Varan Angliya chempionatining 3-turida "Nottingem Forest"ga qarshi o‘yinda (3:2) jarohat oldi. Bu haqda “qizil iblislar” matbuot xizmati xabar berdi.

Jamoa bosh murabbiyi Erik ten Xagning so‘zlariga ko‘ra, futbolchi o‘zini noqulay his qilgani uchun ehtiyot chorasi sifatida almashtirilgan. Yaqin orada Rafael tibbiy ko‘rikdan o‘tadi, shundan so‘ng shikastlanish darajasi aniqlanadi.

30 yoshli himoyachi joriy mavsum Angliya Premyer-ligasida 3 ta o‘yinda maydonga tushib, bitta gol urdi.