Туриннинг “Ювентус” клуби ярим ҳимоячиси Поль Погба “Болонья”га қарши А Сериянинг 2-тур учрашуви (1:1) ҳақида гапирди.
Француз ўйин натижаси уни ҳафсаласи пир қилганини таъкидлаб, туринликлар ғалаба қозониши керак эди, деб ҳисоблайди.
“Мағлубиятга учрамаганимиз яхши. Биз қаттиқ ишлашимиз ва тажриба орттиришимиз кераклигини биламиз. Биз бир очко олиб, кейинги ўйинга тайёрланамиз", - дея Погбанинг сўзларини келтиради Football Italia.
Эслатиб ўтамиз, Италия чемпионатининг 1-турида “Ювентус” сафарда “Удинезе” меҳмони бўлиб, 3:0 ҳисобида ғалаба қозонган эди.
