"Милан" ҳужумчиси Оливье Жиру жамоасининг жорий мавсумдаги мақсадлари ҳақида гапирди.
“Мақсадимиз икки йил аввал қилган ишимизни қилиш! Бундай ўйин билан скудетто учун охиригача курашамиз деган умиддамиз.
Италияда чемпионликни қўлга кирита оладиган беш-олтита жамоа бор, аммо биз майдонда нима қилишимизга ишончимиз комил.
Жамоа сифат жиҳатидан ҳам, ўйин жиҳатдан ҳам ўсди. Ўйлайманки, бу сафар биз А Серияда ҳам, Чемпионлар Лигасида ҳам кураша оламиз. Италия кубогида ҳам биз муваффақиятга эришмоқчимиз. Ҳозир бизда ўйинга тушишга тайёр бўлган кўплаб ўйинчилар бор ва ҳар бир позиция учун камида иккита вариант - ҳатто учта ҳам бор. Бизда яхши рақобат бор ва бу жамоа савиясини оширади”, - дея Жиру сўзларини келтиради Football Italia.
