"Манчестер Юнайтед" "Брентфорд" ҳимоячиси Рико Генрига қизиқиш билдирмоқда. Mail Sport нашри хабарига кўра, "қизил иблислар" эҳтимолий келишув шартларини билиш учун "арилар"га сўровнома юборишган.
Генри Англия Премьер-лигасидаги учинчи мавсумини "Брентфорд" билан бошлади. Олдинги иккита мавсумда ҳимоячи яхши ўйнади ва вақти-вақти билан топ-клубларнинг нишонида пайдо бўлди.
"Манчестер Юнайтед" ноябргача сафдан чиққан Люк Шоу ўрнига янги чап қанот ҳимоячиси қидирмоқда. "Қизил иблислар" "Челси"дан Марк Кукуреллья ва "Барселона"дан Маркос Алонсони ҳам кўриб чиқмоқда.
