Тожикистоннинг Хисор шаҳрида ўтказилган CAFA U-17 Championship мусобақаси кеча якунига етди. Ўзбекистон U-15 терма жамоаси сўнгги турда Афғонистонга қарши майдонга чиқиб, йирик ҳисобда ғалаба қозонди.

Вакилларимизда голларни Муҳаммадюсуф Файзуллаев, Сардорбек Тўлаганмирзаев ва Сайфиддин Содиқов уришди.

Тожикистон эса сўнгги турда Эронга юқазганига қарамай, мусобақа ғолибига айланди. Мезбонлар Ўзбекистон билан бир хил  9 очко жамғаришди, аммо ўзаро ўйиндаги ғалаба туфайли олтин медалга сазовор бўлишди. Афғонистон эса 6 очко билан бронза медалини қўлга киритган бўлса, Эрон шунча очко билан 4-ўринда қолди. Қирғизистон барча ўйинларда мағлубиятга учради.

Ўзбекистон U15 терма жамоаси ҳужумчиси Нурбек Сарсенбаев 3 та гол билан мусобақанинг энг яхши тўпурарига айланди.

CAFA U-17 Championship, 4-тур
Афғонистон - Ўзбекистон - 0:3 (0:2)
Голлар: Муҳаммадюсуф Файзуллаев (8), Сардорбек Тўлаганмирзаев (35), Сайфиддин Содиқов (90+3)

Тожикистон - Эрон - 0:1