«Ливерпуль» ҳимоячиси Виржил ван Дейк АПЛ доирасида «Ньюкасл Юнайтед»га қарши ўйинда тўғридан-тўғри қизил карточка олди.
Голландиялик футболчи учун бу «Ливерпул»даги биринчи қизил карточка эди.
Goal портали хабарига кўра, ван Дейк камида битта ўйинга дисквалификация қилинади. Бироқ мерсисайдликлар жамоаси сардори учун жазо асосий ва тўртинчи ҳакамлар билан келишмовчиликлар туфайли қаттиқроқ бўлиши мумкин. Ҳаммаси ўйиндан кейин протоколда нима кўрсатилганига боғлиқ.