Маттео Гендузи "Марсель"дан "Лацио"га ўтди.
Фабрицио Романонинг сўзларига кўра, клублар 24 ёшли ярим ҳимоячининг трансфери бўйича келишиб олишган ва имзоланган ҳужжатларни алмашишган.
Римликлар футболчини 1 миллион еврога ижарага олишади, шартномада футболчини 12+5 миллион еврога мажбурий сотиб олиш ҳам кўзда тутилган. Бундан ташқари, французлар ярим ҳимоячини кейинги сотиш суммасининг 10 фоизини олишади.
Гендузи ўтган мавсумда Лига 1да 33 та ўйинда майдонга тушиб, 2 та гол ва 4 та голли узатмага муаллифлик қилган.