«ПСЖ» футболчиси Ли Кан Ин жароҳати сабаб Корея терма жамоасининг сентябрь ойидаги Европада бўлиши керак бўлган иккита ўртоқлик ўйинида иштирок эта олмайди.
7 сентябрь куни Уэльс пойтахти Кардиффда Корея Уэльс билан, 12 сентябрь куни Англиянинг Ньюкасл шаҳрида Саудия Арабистони билан куч синашади.
Корея футбол ассоциасияси душанба куни эълон қилган ўртоқлик ўйинлари рўйхатидан «Тоттенхэм»дан Сон Хён Мин, «Бавария»дан Ким Мин Чже, «Майнц-05» жамоасидан Ли Чже Сунг, «Олимпиакос»дан Хван Ин Беом, «Вулверхэмптон»дан Хван Хи Чан каби юлдузлар жой олган.
