Трансфер ёзининг сўнгги кунларида "Бавария" ярим ҳимоячи Скотт Мактоминай билан шартнома имзолаши мумкин. Журналист Тоби Алтшаффлнинг ижтимоий тармоқларда хабар беришича, Мюнхен жамоаси ҳозирда бу ўтишни қандай амалга ошириш мумкинлигини синаб кўрмоқда.
Қайд этилишича, 26 ёшли шотландиялик футболчини ўз жамоасида кўришни Томас Тухель истамоқда.
Нуфузли transfermarkt портали экспертлари Скотт МакТоминайни 25 миллион еврога баҳоламоқда. Ярим ҳимоячи “Манчестер Юнайтед” академияси битирувчиси ҳисобланади. У "Қизил иблислар"нинг асосий таркибида 211 ўйин ўтказиб, 19 гол урган ва 5 голга ассистентлик қилган.