"Тоттенхэм" бош мураббийи Анге Постекоглу Лига кубоги ўйинида жамоасининг мағлубияти ҳақида фикр билдирди.

Экспериментал таркибда ўйнаган "шпорлар" "Фулхэм" билан ўйинда (1:1) асосий вақтда мағлубиятдан қутулиб қолди, аммо пенальтилар сериясида имконияти бой берди (3:5). Шу тариқа, жамоа Лига Кубогидаги ўйинини иккинчи давра босқичидаёқ якунлади.

"Жамоа, айниқса, бошланғич даврда энг яхши кўринишга эга эмас эди, мен киритган ўзгаришларни ҳисобга олсак, бу ажабланарли эмас. Жамоа турли йўллар билан ривожланиши мумкин ва биз характер кўрсатдик. Иккинчи бўлимда ғалабани тортиб олишимиз ҳам мумкин эди, лекин имкониятларни бой бериб, кейин пенальтилар сериясида енгилдик. Фақат бу билан муросага келиш қолади”, - деди Постекоглу.