"Челси" бош мураббийи Маурисио Почеттино Рахим Стерлингнинг Англия терма жамоасидаги ўрни ҳақидаги саволга жавоб берди.
28 ёшли вингер мавсумни ажойиб бошлади ва яқинда АПЛ доирасида "Лутон"га қарши ўйинда (3:0) иккита гол урди.
"Мен Гарет Саутгейт эмасман, унга терма жамоага ўйинчиларни танлаш бўйича маслаҳат бермайман. Буларнинг барчаси ўйинчининг ўтмишдаги хизматлари ёки истиқболларига эмас, балки маълум бир лаҳзадаги шаклига боғлиқ. Фикримни сўрасангиз, Рахим Англия терма жамоасида ўйнашга лойиқ, чунки у Премьер-лиганинг дастлабки уч турини яхши ўтказди. Аммо қарор Гаретда қолади", - деди "Челси" устози.
