"Челси" "Барселона" ҳужумчиси Ансу Фати билан қизиқмоқда, бироқ испаниялик футболчи учун ҳозирча ҳеч қандай таклиф билан чиқмаган. Бу ҳақда журналист Фабрицио Романо хабар бермоқда.
Хабарларга кўра, бир йиллик ижара шартномасини муҳокама қилиш учун "Барселона" билан боғланган "Тоттенхэм"да кўпроқ қизиқиш бор. "Челси" доимий трансфер ва катта миқдорда товон пули таклиф қилса, пойгада ғалаба қозониши мумкин.
Эслатиб ўтамиз, Фати янги мавсумда ўйин вақтининг камлигидан норози. Футболчи "Барселона"ни тарк этишни истамаяпти, лекин бунга мажбур бўлиши мумкин.
