"Тоттенхэм" ярим ҳимоячиси Тангуй Ндомбеле ўтган мавсумда "Наполи"да ижара асосида ўйнаган Италия А Сериясига қайтиши мумкин. Журналист Фабрицио Романонинг ёзишича, футболчини бу сафар яқинда иккинчи дивизиондан элитага қайтган “Женоа” ижарага олишга тайёр.
Қайд этилишича, Ндомбеленинг ўзи ҳали Генуяга ўтишни истамаяпти, бироқ шимолий Италия клуби франциялик футболчини трансфернинг мақсадга мувофиқлигига ишонтиришга фаол ҳаракат қилмоқда.
Эслатиб ўтамиз, ўтган мавсумда 26 ёшли Ндомбеле "Наполи"га 33 йил ичида биринчи марта А Серия чемпионлигини қўлга киритишга ёрдам берди ва 30 ўйинда битта гол урди.
