"Манчестер Юнайтед" ҳимоячиси Рафаэль Варан АПЛ доирасидаги "Ноттингем Форест"га қарши сўнгги ўйинида жароҳат олди. Биринчи бўлим тугаганидан кейин франциялик футболчини алмаштиришга тўғри келди.
Матбуотда Варан олти ҳафтани ўтказиб юбориши ҳақида маълумот пайдо бўлди. Бироқ журналист Саймон Стоун ижтимоий тармоқларда бу маълумот ҳақиқатга тўғри келмаслигини ёзди. Аслида Варан майдонга эртароқ қайтади - у "бир неча ҳафта"ни ўтказиб юборади.
"Манчестер Юнайтед" Англия чемпионатининг навбатдаги ўйинини албатта Варансиз ўтказади. 3 сентябрь, якшанба куни Эрик тен Хаг шогирдлари сафарда “Арсенал”га қарши баҳс олиб боради.
