"Manchester Yunayted" himoyachisi Rafael Varan APL doirasidagi "Nottingem Forest"ga qarshi so‘nggi o‘yinida jarohat oldi. Birinchi bo‘lim tugaganidan keyin fransiyalik futbolchini almashtirishga to‘g‘ri keldi.
Matbuotda Varan olti haftani o‘tkazib yuborishi haqida ma’lumot paydo bo‘ldi. Biroq jurnalist Saymon Stoun ijtimoiy tarmoqlarda bu ma’lumot haqiqatga to‘g‘ri kelmasligini yozdi. Aslida Varan maydonga ertaroq qaytadi - u "bir necha hafta"ni o‘tkazib yuboradi.
"Manchester Yunayted" Angliya chempionatining navbatdagi o‘yinini albatta Varansiz o‘tkazadi. 3 sentyabr, yakshanba kuni Erik ten Xag shogirdlari safarda “Arsenal”ga qarshi bahs olib boradi.













