Мадриднинг “Атлетико” клуби ҳужумчиси Жоау Феликс тез орада “Барселона” сафига кўчиб ўтиши мумкин.
Айнан португалиялик форвард каталонияликлар учун ёзги трансфер ойнасининг сўнгги кунларида асосий мақсад сифатида белгиланди. Relevo хабарига кўра, Феликснинг "Барселона"га ўтиши ниҳоясига етмоқда. Кўзда тутилмаган ҳар қандай вазиятдан ташқари, "кўк-анорранглилар" раҳбарияти 23 ёшли ҳужумчини ижарага олиш учун фақат молиявий фейр-плей шартларига жавоб бериши керак. Ансу Фатининг тез орада содир бўлиши мумкин бўлган "Брайтон"га кетиши клубга бу борада ёрдам бериши мумкин.













