Франкфуртнинг "Айнтрахт" клуби "ПСЖ" даъвогарлик қилаётган ҳужумчи Рандал Коло-Муанини ёзда қўйиб юборишга тайёр. Sports Zone нашри хабарига кўра, "бургутлар" футболчи учун 100 миллион евро талаб қилмоқда.
"ПСЖ" ва "Айнтрахт" тез орада товон пули борасида келишиб олиш учун музокараларнинг янги босқичини бошламоқчи. Франкфурт клуби Коло-Муанини 90 миллион еврога қўйиб юбориб, ён беришга тайёр, бироқ парижликлар келажакда 10 миллион евро бонуслар ҳам тўлаш шарти билан.
Коло-Муанининг ўзи "ПСЖ"га ўтишни талаб қилмоқда. Футболчи ўз клуби раҳбариятига бойкот эълон қилди ва кечаги машғулотни ўтказиб юборди. Рандал унинг Парижга трансфери ҳали ҳам амалга ошишига умид қилмоқда.
