ОФК даги фаолиятининг сўнгги кунларини ўтказаётган ҳамюртимиз Алишер Никимбаев ўзи ҳақида пайдо бўлган миш-мишларни инкор этди. Маълумот учун айтишимиз мумкинки, таниқли мутахассис ОФК билан шартномаси тугаётганини маълум қилгач, унинг мамлакатимиз клубларидан бирида ишлаши мумкинлиги ҳақида таҳминлар авж олганди.
«Биринчидан, мен Ўзбекистондаги клублардан ёки федерациядан иш излаганим йўқ, демак гуёки мени рад этишгани ҳақидаги хабарлар асоссиз. Иккинчидан, мени таклиф қилишгани ҳам йўқ, мабодо шундай бўлиб қолса ҳам, ўзбек клубларида ишлаш мен учун қизиқ эмас. Учинчидан эса, менда бошқа мамлакатлардан ҳам бир нечта қизиқарли таклифлар бор, яъни, узоқ вақт ишсиз қолмайман», деб ёзди Алишер Никимбаев твиттердаги шахсий саҳифасида.
