“Манчестер Сити” ярим ҳимоячиси Коул Палмер “Челси” билан шартнома имзолади, дея хабар беради клуб расмий сайти.

21 ёшли англиялик билан келишув 2030 йилнинг ёзига қадар мўлжалланган. Transfermarkt хабарига кўра, трансфер нархи 47 миллион еврони ташкил қилади.

Палмер “Манчестер Сити” тарбияланувчиси ҳисобланади. У “шаҳарликлар”нинг асосий таркибида 41 та ўйин ўтказиб, 6 та гол урди ва 2 та голли узатмани амалга оширди.

2023/24 йилги мавсумда ярим ҳимоячи барча мусобақаларда учта ўйинда 2 та гол урди.