"Барселона" ҳимоячиси Клеман Лангле "Астон Вилла"га ўтди.
Премьер-лига клуби 28 ёшли франциялик футболчини сотиб олиш ҳуқуқисиз мавсум учун ижарага берди.
Инсайдер Фабрицио Романонинг сўзларига кўра, "Астон Вилла" Клеман маошининг 75 фоизини тўлайди.
Лангле ўтган мавсумни "Тоттенхэм"да ўтказди. У Премьер-лиганинг 26 учрашувида 2 та голли пас берди ва 4 та сариқ карточка олди.