Ёзги трансфер ойнасида «Интер Майами»га ўтган ҳимоячи Жорди Альба ҳақиқатан ҳам Испания терма жамоасини тарк этди.
Бу ҳақда аввалроқ испан ОАВ ёзган эди. Энди маълумотни Испания Қироллик футбол федерацияси тасдиқлади.
«34 ёшида Альба ажойиб ўтган халқаро карьерасига нуқта қўйди. Испания қироллик футбол федерацияси бу сафари учун ундан абадий миннатдор бўлади. Раҳмат, Жорди», — дейилади баёнотда.
Испания терма жамоаси таркибида Альба Европа чемпиони (2012) ва Миллатлар лигаси ғолиби (2023) бўлди. Энди футболчи бор эътиборини клубдаги фаолиятига қаратади.
