«Барселона» ҳужумчиси Ансу Фати «Брайтон»га бир йиллик ижара асосида сотиб олиш ҳуқуқисиз қўшилди. Бу ҳақда инглиз клуби расмий сайти хабар бермоқда.
Жорий мавсумда 20 ёшли Фати «Барселона» таркибида учта ўйин ўтказди ва у бу ўйинларда самарали ҳаракат қила олмади.
Transfermarkt портали Испания терма жамоаси футболчисини 35 миллион еврога баҳоламоқда. Аввалроқ Фатига «Севилья» ҳам қизиқиш билдиргани хабар қилинганди, аммо футболчининг ўзи «Брайтон»ни танлаганди.
Англия чемпионатининг жорий мавсумида уч турдан сўнг «чағалайлар» олти очко жамғарган ҳолда турнир жадвалида олтинчи ўринда бормоқда.
