Ярим ҳимоячи Софьян Амрабат «Фиорентина»дан «Манчестер Юнайтед»га ўтди.
Ижтимоий тармоқ инсайдери Фабрицио Романонинг хабар беришича, клублар 27 ёшли марокашлик футболчи учун ўзаро келишувга эришган. Яқин орада Амрабатнинг «Олд Траффорд»га ўтиши расман эълон қилинади.
Софьян Амрабат «Фиорентина» сафида жами 107 та ўйин ўтказиб, битта гол урган ва шеригига битта самарали узатма ёздириб қўйган.
Нуфузли Transfermarkt портали экспертлари футболчини 30 миллион еврога баҳоламоқда.