"Барселона" вингери Абде Эззалзули ҳали бошқа клубга ўтмаган.
Бир неча кун аввал маълум бўлганидек, "Барселона" марокашлик футболчини бошқа жамоага жўнатишга тайёр, гарчи Хави уни асосий таркибда қўллаш ниятида бўлса ҳам. Журналист Пепе Элиаснинг ёзишича, Каталония клуби раҳбарияти 21 ёшли футболчининг ижараси бўйича “Бетис” билан музокаралар олиб борган, бироқ музокаралар муваффақиятсиз якунланган – келишув барбод бўлган.
Ўтган мавсумда Абде Эззальзули "Осасуна"да ижара асосида ўйнади. Transfermarkt экспертлари футболчининг ҳозирги нархини 15 миллион еврога баҳоламоқда.
