Ёзги трансфер ойнасининг сўнгги соатларида ярим ҳимоячи Райан Гравенберх «Бавария»дан «Ливерпул»га ўтди.

Goal порталининг хабарига кўра, 21 ёшли голландиялик футболчи «Астон Вилла»га қарши якшанба куни бўлиб ўтадиган АПЛ доирасидаги ўйинда «қизиллар» сафида майдонга туша олмайди.

Гап шундаки, лига регламентига кўра, ўйинда иштирок этиш учун футболчи ўйин кунидан олдинги охирги иш куни туш вақтидан кечиктирмай рўйхатдан ўтиши керак.

Гравенберх 3 сентябрь куни «Ливерпул»да ўйнаши учун у жума куни тушдан олдин рўйхатдан ўтиши керак эди.