Yozgi transfer oynasining so‘nggi soatlarida yarim himoyachi Rayan Gravenberx «Bavariya»dan «Liverpul»ga o‘tdi.
Goal portalining xabariga ko‘ra, 21 yoshli gollandiyalik futbolchi «Aston Villa»ga qarshi yakshanba kuni bo‘lib o‘tadigan APL doirasidagi o‘yinda «qizillar» safida maydonga tusha olmaydi.
Gap shundaki, liga reglamentiga ko‘ra, o‘yinda ishtirok etish uchun futbolchi o‘yin kunidan oldingi oxirgi ish kuni tush vaqtidan kechiktirmay ro‘yxatdan o‘tishi kerak.
Gravenberx 3 sentyabr kuni «Liverpul»da o‘ynashi uchun u juma kuni tushdan oldin ro‘yxatdan o‘tishi kerak edi.
