«Монако» бош мураббийи Ади Хюттер Франция чемпионатининг 4-тури доирасидаги «Ланс» устидан қозонилган ғалаба (3:0) ҳақида фикр билдирди.
«Бугун хурсандман, чунки биз мавсумнинг илк турларидан бирида энг қийин рақиб, Лига 1 сўнги мавсумида иккинчи ўринни эгаллаган жамоага қарши ўйнадик.
Биз кўп вазиятлар яратдик, учта гол урдик, дарвозамизни муносиб ҳимоя қилдик. Ажойиб ўйин намойиш қилдик ва бугун тўрт ўйиндан кейин 10 очкога эга бўлганимиздан жуда хурсандман.
Эслатиб ўтамиз, «Монако» 10 очко жамғариб, Лига 1 турнир жадвалида биринчи ўринга кўтарилиб олди. «Ланс» 1 очко билан 17-ўринда бормоқда.
