"Брайтон" жамоаси бош мураббийи Роберто де Дзерби АПЛ учрашувида хет-трик қайд этган Эван Фергюсоннинг ўйини ҳақида гапирди.
18 ёшли ҳужумчи "Ньюкасл" дарвозасига уч марта тўп киритиб, "чайкалар"га 3:1 ҳисобида ғалаба келтирди. Эътиборлиси, ирландиялик форвард Премьер-лигада 19 ёшгача хет-трик қайд этган тарихдаги тўртинчи футболчи бўлди.
“Эван Фергюсон - жуда оғир меҳнат маҳсули. Ишонинг, у юқори савияли футболчи бўлиш учун жуда кўп меҳнат қилади ва у фақат гол уриш ҳақида қайғуради. У ақл бовар қилмайдиган футболчига айлана олади”, деди “Брайтон” бош мураббийи.
