ОФК Ижроқўми ушбу йилда сўнгги марта йиғилди ва бир қатор муҳим масалаларни тасдиқлади. ОФКнинг навбатдаги когресси 2013 йилнинг апрель ойида бўлади ва унда ОФК президенти ва ФИФА Ижроқўмига аъзолар сайланади.

ОФК президенти вазифасини бажарувчи Жанг Цзилонг Ғазо секторида юз берган воқеалар ва унда ҳалок бўлган инсонларга ҳамдардлик билдирди. "Умид қиламанки, Фаластинда вазият нормаллашади ва барчаси ўз ишига тушиб кетади", дейди ОФК раҳбари.

ОФК Ижроқўми ёш футболчилар учун халқаро ўйин амалиёти зарур эканини инобатга олиб, 14 ёшгача бўлган ўсмирлар ўртасида Осиё чемпионатини ўтказиш таклифига розилик билдирди. Шунингдек, қўмита 2016 ва 2018 йили бўладиган ОФК чақирув кубоги ҳамда Осиё кубоги-2019 мусобақаларида иштирок этадиган жамоаларни таркибини қайта кўриб чиқадиган бўлди.

Шунингдек, ОФК Ижроқўми 2013 йилги ОЧЛ мусобақаси учун квоталарни ҳам тасдиқлади.

ШАРҚ МИНТАҚАСИ
Япония — 4
Республика Корея — 4
Китай — 4
Ўзбекистон — 1
Австралия — 1+1
Таиланд — 1+1

ҒАРБ МИНТАҚАСИ
Саудия Арабистони — 4
Қатар — 4
Эрон — 3+1
БАА — 2+2
Ўзбекистон — 1+1