Бундан роппа-роса 20 йил аввал, 2003 йилнинг 3 сентябрь куни Роналдиньо “Барселона” сафидаги илк голини урган эди.

Ўшанда бразилиялик футболчи "Севилья"нинг бир нечта ўйинчиларини моҳирлик билан алдаб ўтди ва йигирма саккиз метрдан кучли зарба берди - тўп тўсинни "ўпиб" дарвозага кириб кетди.

"Камп Ноу"да бўлиб ўтган "Барселона" ва "Севилья" ўртасидаги ўйин 1:1 ҳисобидаги дуранг билан якунланганди. Ўшанда каталонияликлар бош мураббийи Франк Райкард эди.

Эслатиб ўтамиз, Роналдиньо "ПСЖ"даги икки мавсумдан сўнг 2003 йилнинг ёзида “Барселона”га ўтган эди. Бразилиялик футболчи беш йилни “Камп Ноу”да ўтказди, шундан сўнг у "Милан"га йўл олди.