Ўзбекистон футбол федерацияси энг кўп балл тўплаб, Фейр-плей совринини қўлга киритди. Марказий Осиёликликлар ҳисобида 498,84 балл тўпланди. Иккинчи ўринни эгаллаган Эрон футбол федерация ЎФФдан 16,37 балл камроқ жамғарди. АВстралия эса учинчи ўринни эгаллади — 472,17 балл.

Фейр плей соврини барча ёшдаги терма жамоалар ва клубларнинг ОФК тасарруфидаги мусобақаларидаги иштирокига қараб берилади. Очколар қуйидаги тамойиллар асосида берилади:
- терма жамоалар (барча ёшдаги) ОФК мусобақаларидаги иштироки;
- клубларнинг ОЧЛ, ОФК кубоги ва ОФК президенти кубоги мусобақаларидаги иштироки;
Шунингдек, ҳар бир ўйин бўйича комиссарнинг хулосаси:
- сариқ карточкалар сони;
- қизил карточкалар сони;
- ижобий ўйин;
- жамоанинг майдондаги ва майдон ташқарисидаги ўзини тутиши;
- мухлисларнинг ўзини тутиши.

"Ушбу соврин бизга ёқимли ҳиссиётлтарни берди. Ўйлайманки, ушбу соврин ўзбек футболида қилинаётган ижобий ишлар учун муносиб баҳо бўлди", дейди Мираброр Усмонов ОФК вице-президенти Юсуф ас-Саркалнинг қўлидан совринни қабул қилиб олар экан.

"Фейр-плей руҳиятини сақлаб қолиш учун бу соврин бизга янада масъулият юклайди. Биз бу борада ОФКга ёрдам беришган ва Фейр-плей тамойилини мустаҳкамлашга ҳаракат қиламиз".

"Фейр-плей - рақибга нисбатан ҳурмат ва дўстона муносабат. Биз буни ўз ўйинчиларимизга ўргатишимиз лозим. Майдонда улар рақиб бўлсалар-да, майдонда ташқарида улар ҳамкасб. Улар бутун дунёга ўз ўйинларини намойиш қиладилар", дейди ЎФФ президенти.