Ёзги трансфер ойнасида "ПСЖ"дан Саудиянинг "Ал-Ҳилол" клубига ўтган ҳужумчи Неймар келажакда ўзи ўтмоқчи бўлган клуби номини айтди. Бразилиялик футболчининг фикрича, у "Сантос"га қайтишни кутмоқда.
"Шубҳасиз, мен яна "Сантос"да ўйнашни хоҳлайман. Бу қачон содир бўлишини билмайман, лекин ишонч билан айта оламанки, мен "Сантос"га қайтаман", - деди Неймар Ge Globo билан суҳбатда.
Неймар 2013 йилнинг ёзида "Барселона"га ўтгандан сўнг ўзининг "Сантос" клубини тарк этганди.
Эслатиб ўтамиз, Неймар тарихдаги энг қиммат футболчи бўлиб қолмоқда. 2017 йилда «ПСЖ» бразилиялик ҳужумчи учун рекорд даражадаги 222 миллион евро тўлаганди.
