«Манчестер Юнайтед» вингери Жейдон Санчо ўтган ҳафта яхши машғулот ўтказмагани ҳақидаги миш-мишларни рад этди.
«Илтимос, матбуотда ўқиган ҳар бир нарсангизга ишонманг. Мен одамларга мутлақо ёлғон гапларни айтишига йўл қўймайман.
Ўтган ҳафта машғулотларда жуда яхши ишладим. Таркибга тушмаганимнинг бошқа сабаблари ҳам бор деб ўйлайман.
Мен жуда узоқ вақтдан бери айбдор бўлиб чиқяпман, бу адолатдан эмас. Мен фақат табассум билан футбол ўйнашни ва жамоамга ёрдам беришни хоҳлайман.
Мураббийлар штабининг барча қарорларини ҳурмат қиламан. Мен фантастик футболчилар билан ўйнаш бахтига муяссарман, бунинг учун жуда миннатдорман.
Бу катта синов эканлигини тушунаман. Нима бўлишидан қатъий назар курашни давом эттираман», — деб ёзди Санчо ижтимоий тармоқда.
