Испания терма жамоасининг собиқ ҳимоячиси Серхио Рамос «Севилья»га қайтди, деб хабар беради испан клуби расмий сайти.
37 ёшли ҳимоячи эркин агент сифатида «Севилья»га ўтди. У 2024 йилнинг ёзига қадар шартнома имзолади.
Рамос «Севилья» тарбияланувчиси ҳисобланади. У андалусияликлар сафида 49 та ўйин ўтказиб, 3 та гол урган. 2005 йилда Рамос «Севилья»дан «Реал»га ўтди.
Ҳимоячининг сўнгги клуби «ПСЖ» бўлиб, унинг шартномаси шу ёзда якунига етганди.