"Тоттенхэм" ярим ҳимоячиси Тангуй Ндомбеле мавсумни "Галатасарой"да ўтказади.

Туркия клуби франциялик футболчини ижарага олганини расман эълон қилди. Нуфузли инсайдер Фабрицио Романонинг сўзларига кўра, келишув "Галатасарой"га 26 ёшли футболчини 2024 йилнинг июнигача 15 миллион еврога сотиб олиш имконини берувчи вариантни ўз ичига олади.

Тангуй Ндомбеле "Тоттенхэм"га 2019 йилда "Лион"дан 62 миллион евро эвазига қўшилганди, аммо у ҳеч қачон "шпорлар"нинг асосий таркибига кира олмади. Ўтган мавсумда ярим ҳимоячи "Наполи"да ижара асосида ўйнаб, Италия чемпионига айланганди.

Ндомбеле "Тоттенхэм" сафида барча мусобақаларда 91 та ўйинда майдонга тушиб, 10 та гол ва 9 та голли узатмага муаллифлик қилган.