"Барселона" вингери Ламин Ямал тез орада Испания терма жамоасида дебют қилиши мумкин.
16 ёшли футболчи Грузия (8 сентябрь) ва Кипр (12 сентябрь) терма жамоаларига қарши бўлиб ўтадиган Евро-2024 саралаш ўйинлари учун терма жамоа қайдномасидан жой олди.
"Мен Испания терма жамоасида 15 ёшгача бўлган футболчилардан иборат жамоадан бошлаб ўйнаганман ва мен фақат Испания терма жамоасида ўйнашни хоҳлаётганимни ҳар доим очиқ айтганман.
Катталар жамоасига чақирилганим ақл бовар қилмайди. Мен ундан завқ олишни хоҳлайман. Мен хотиржамман, чунки “Барселона”даги юқори савияга ўрганиб қолганман. Умид қиламанки, Испания билан жаҳон чемпионати ва Еврода ғалаба қозона оламан”, - дея Ямалнинг сўзларини келтиради Barca Universal.
